Parewa.co | Halo dunsanak dimanopun barado, babaliak kito malam kini jo Parewa sanak, nan namonyo kaba tantulah indak ka habis dek habis pakan do sanak, sarupo kini ko wak ka mambahas tantang alat musik nan ado di Minangkabau ko sanak. A baa dek sanak tu? Langsuang wak gas sakali?
1. Talempong
Jadi mah sanak, talempong ko tabuek dari kuningan mah sanak, bantuaknyo bulek dan bagian bawahnyo balubang sanak. Nah jadi alat musik ko banyak dipakai untuak mangiriangan anak daro baarak misalnyo sanak, pun kutiko ado pertunjukan tari a biadonyo nan talempong ko ndak pernah perai dipakai do sanak.
2. Saluang
Nan kaduo nan paralu wak bahas adolah saluang sanak, salah satu alat musik tiup nan barasa dari Minang. Nan saluang ko indak dari sumbarang buluah se tabuek do sanak, tapi harus dari buluah talang sanak. Kok nan urang bamainnyo indak pulo sumbarang urang do sanak, harus pandai pulo wak bamain teknik nan disabuik sebagai manyisiahan angok.
3. Rabab
Nah nan sabuah ko yobana alah terkenal mah sanak. Dima urang barabab pasti rami penonton e mah sanak, sabab dalam rabab indak hanyo sakadar alat musik do sanak, namun juo bacarito atau maagiah kaba tantang curaian lamo nan tajadi di maso saisuak, baiak itu nan bana tajadi atau nan sekadar curito ka manjadi palajatan sajo. Duo aliran rabab nan sangaik terkenal sanak, yaitu rabab Pasisia sarato rabab Pariaman.
4. Tambua Tasa
Nah sanak, nan iko yo tamasuak ka alat musik gandang mah sanak. Namonyo Tambua Tasa, babantuak tabuang babahan kayu namun ujuang jo pangkanyo tabuek dari kulik sanak. Nah caro mamainkannyo di tokok sanak, tagak wak manokok e tun sanak.
A, baa nyo sanak? Sabananyo banyak nan ka wak bahas lai mah sanak. Namun dek katarbatasan wakatu mangko nan ampek ko sajo wak bahas sanak. Soal pupuik sagalo pupuik, batang padi, tanduak, sarunai, bansi, dan lainnyo sanak, di lain wakatu wak bahas itu yo sanak.
(*)
