Parewa.co | Halo dunsanak dimanopun barado, babaliak kito jo kaba lamo di parewa ko sanak, nan ka mambukak cliak jo gariak nan alah ado samanjak daulunyo sanak. Jikok sabalunnyo kito alah panjang leba mambahas tantang sugalo nan baiak barupo silek atau sajarah di Minang, kini kito cubo pulo rincian baa kok sampai ado pulo tradisi marantau di masyarakat Minang ko sanak. A langsuang se lai ndak sanak, bia nak tarang jalan ko.
1. Laki-laki di Minang ndak Mandapek Pusako
Alah ka nasib dek rang laki-laki di Minangkabau ko sanak bahaso nan harato pusako jatuah ka pihak nan padusi. Sabab di Minang ko manganut sistem matrilineal sanak, baiak harato maupun suku itu diwarisan dari pihak ibu sanak. Samantaro laki-laki hanyo buliah maambiak manfaat dari pusako nan ado tu sanak, buliah mamakai harato pusako baiak mananam atau marancah sanak, tapi ndak buliah manjua atau manggadai do sanak. Basabab dek itu malah timbua tradisi marantau di laki-laki Minang sanak.
2. Dek di Kampuang Alun Dianggap
Ado sabuah sanak :
Karantau madang di hulu
Babuah bangungo balun
Marantau bujang daulu
Di rumah paguno balun
Makasuik nan sarupo iko adolah anjuran untuak mancari pangalaman jo caro pai marantau sanak, sabab untuak mandapek-an pangalaman iyo maninggakan kampuang halaman sanak. Beko kutiko pangalaman alah banyak baru baliak malah ka kampuang sabab alah baguno sanak, banyak pangalaman iduik nan didapek.
3. Mambangkik Batang Tarandam
Tradisi marantau Minang salah satu panyabab lainnyo adolah handak mambangkik batang tarandam sanak. Sabab urang Minang punyo ibarat; kalau baniah indak dialiah, alamat ka sansai manjadi padi. Nah ikolah titiak baliak nan manjadikan urang Minang parantau sanak, handak mambangkik batang tarandam atau maubah nasib nan kurang baiak di kampuang. Umumnyo urang Minang kalau marantau alah dibekali jo skill nan mumpuni sanak, baiak kepandaian negosiasi, mampartahankan diri, sarato skill logika nan alah mumpuni.
4. Mancari Jati Diri
Ciek lai sanak, urang Minang nan pai marantau adolah nan handak mancari jati diri. Sabab kutiko marantau tabukak malah pangana tabik ide sarato ibaraik nan ka mambukak usaho. Apo lai urang Minang dalam darahnyo sabana dareh mangalia darah pangusaho atau pedagang. Otomatis iko manyangkuik se lai nyo sanak.
(*)
